Laguntza Etxerat»Etxeko zerbitzua»Aides financières»PCH

PCH (Elbarritasuna Konpentsatzeko Zerbitzua), ahalmen urriko pertsonendako dirulaguntza

Nork ematen du PCH laguntza?

PCH laguntza Departamendu Kontseiluak du ematen eta elbarritasunari lotu gastuak finantzatzen ditu.

Zer finantzatzen du Elbarritasuna Konpentsatzeko Zerbitzuak?

Laguntza pertsonalizatu hori hartzailearen beharrei egokitzen da:

  • eguneroko ekintzetan laguntzeko norbaiten laguntza
  • Material egokia eskuratzeko laguntza teknikoa (gurpil aulkia, orotariko puskak, mahai-tresna egokituak, komunetako altxagailua…)
  • Bizilekuaren eta autoaren antolamendurako laguntza eta garraioari lotu gainkosturako laguntza
  • Beste laguntza motetarako finantzamendua ukaiteko eskubidea uzten ez duten laguntza bereziak (adibidez, inkontinentziarako zapi higienikoak…). Ohiz kanpoko laguntzak beste laguntza motek finantzatzen ez dituzten noiztenkako gastuetarako (adibidez, aulki gurpildunaren bateria)
  • Onetsiak diren animalientzako animalia laguntza.

Comment est attribuée la prestation de compensation du Handicap  ?

Hazparnealdean, SDSEIko ebaluatzailearen bisitaren bidez ebaluatuko dira hartzailearen beharrak, ekintza berezi batzuk egiteko ezintasunaren edo zailtasunaren arabera.
Ekintza horiek zerrendatuak dira mugikortasunari, mantentze pertsonalari, komunikazioari eta besteekiko harremanei dagozkien erreferentzia taulan.

Adin, baliabide eta bizitegi mota baldintzak ere kontuan hartzen dira laguntza esleitzeko.

PCH bizi guziko ematen den laguntza da hartzailearen osasun egoera ez baldin bada hobetzen ahal.

PCH laguntza helduei esleitzeko baldintzak

Norbaitek PCH ukaiteko, behar du egoera horietarik batean izan:

  • Baitezpadako zailtasunean izan (ezin du nehondik ere ez ekintza egin) eguneroko ekintzak bakarrik egiteko, adibidez, garbitzeko.
  • Zailtasun larrian izan eguneroko bi ekintza inportante gutienez egiteko (garbitu, besteekin komunikatu).

60 urtez beheiti ukan behar da PCH laguntza galdatzeko.

Bizkitartean, pertsonak esleitze baldintzak betetzen baldin bazituen 60 urte bete baino lehen, PCH laguntza galda dezake adin mugarik gabe.

 

Esleitze baldintzak haurrentzat

Haur batentzat PCH laguntza galdegiteko, haurrak 2 baldintza hauek bete behar ditu:

  • 20 urtez petik ukan
  • Haur Elbarrituaren Hezkuntzarako Laguntza (AAEH) ukan.

 

Baliabide baldintzak

Laguntzaren zenbatekoa baliabideen araberakoa da.

 

Bizitegi baldintzak

PCH laguntza ematen da etxean bizi izan edo erakunde berezitu batean.

Etxean bizi

Behar da:

Frantzian bizi

Atzerritarrek behar dute Frantzian izan azken 3 hilabetean gutienez. Baldintza hori ez da eskatua pertsona ikaslea baldin bada edo lanbide heziketan.

Indarrean den egonaldi baimen agiria ukan.

 

Erakunde berezitu batean bizi

PCH laguntza ukaiteko erakunde berezituan, behar da:

Erakunde sozialean edo medikuntza eta gizarte erakundean bizi, edo erietxean ospitalizatua izan.

Ez baldin bada Frantziako erakunde batean lekua ukaiten ahal (Eskubideen eta Autonomiaren Batzordea (CDAPH)), PCH laguntza atzerriko erakunde berezitu batean ere ukan daiteke herrialde hauetarik batean izanez gero:

  • Belgika
  • Luxenburgo
  • Alemania
  • Suitza
  • Italia
  • Espainia

Egonaldiak 1 eta 5 urteren artean iraun behar du eta Eritasun Asurantzak edo Departamenduko laguntza sozialak bere gain hartu. PCH galdea behar da egin Frantziatik joan aitzin.

Laguntza ukaiteko, jar zaitez harremanetan:

Euskal Herriko MDPH:
Belle Marion etorbidea, 2, 64600 Angelu
Telefono zenbakia: 05 59 27 50 50

 

Laguntza berezia behar duzu adinekoen, erien edo ahalmen urriko pertsonen autonomia mantentzeko?

Gure zerbitzuak