Laminak haurtzaindegia

Haur kopurua: 30 haur
Adina: 2 hilabetetik goiti 3 urte arte, baina  haurrak 6 urte arte errezibi ditzakegu

Harrera 7:30etik 18:30era astelehenetik ostiralera
Urteko oporrengatik hetsia: 3 astez uztail-agorrilean, 1 astez Eguberriz, 1 pedagogia-egun

Beskoitzen bizi diren familiek dute lehentasuna zaintza molde horretarako

Kostua: burasoen ordainketa partea (oreneko prezioa) kalkulatua da zergapeko irabazien eta beren gain dituzten haur kopuruaren arabera, eta FaLKek Frantzia mailan finkatu prezioen taularen arabera.

Zaintza gastuek zerga kreditua edo murrizketa ukaiteko eskubidea ematen dute, indarrean den araubide fiskalaren arabera.

Apairuak barne: BAI
Xatarrak barne: BAI

Laminak haurtzaindegiko ostalaritza zerbitzuak 2. mailako ziurtapena badu

+ Biologikoa Gutienez janarien % 30 biologikoak dira.

+ Tokikoa Hilabete guziez, badira gutienez 4 osagai biologiko eta tokiko sardetik (ekoizlearena) sardexkara (haurrena).

+ Sanoa Menu argiak eta kontrolatuak, gure sukaldeburuak lekuan beren kozinatuak!

+ Iraunkorra Profesionalak eta haurrak kudeaketa ekologikoari sentsibilizatuak (hondakinak, ura, xahutzearen kontrako borroka…)

Tokiko gure ekoizleak:

• Bardozeko Bastidarra jogurtak,
• Fruitu eta barazki gehienak biologikoak dira eta tokikoak, eta sasoien egutegiaren araberakoak
• Haragia eskualdean hazia da eta ekoitzia
• Biarnoko lekariak (dilistak, garbantzuak, ilar xehatuak)

Harrera 3 sailetan antolatua, guti gora behera badira 10 ñiñi, 10 arteko eta 10 handi.

Lehen haurtzaroko talde profesionalak haurrak errezibitzen ditu egun guziez eta 3 ardatzen inguruan lanean ari da:

1. Haurrak: Beren funtseko beharren eta indibidualtasunaren errespetua
2. Familia: Familiaren entzuteko prest egotea eta familia-proiektuaren jarraipenean
3. Partaideak: Esperientziak eta topaketak zabalagotzea

Gure lehentasuna, denen errezibitzea: arreta espezifikoa edota arta bereziak behar dituzten haurrak

Ahalmen urritasuna duten haurrak hartzen ditugu

Pedagogia proiektuan finkatuak diren baloreetan bermatuz, profesional bakoitzak zure haurra errezibituko du bere nortasuna, desberdintasunak eta bizi erritmoa errespetatuz. Garapen psikomotorrerako beharrezkoa duen segurtasun afektiboa bermatzen dio.

Profesionalek pedagogia egun bat badute urtean, taldean formatzeko. Psikologo batek laguntzen ditu beren praktika profesionalaren aztertzeko.

Laster haurtzaindegiko langileek formakuntza bat ukanen dute ñiñiak zapian eramaten ikasteko, haur ttipien behar fisiologikoei ihardesteko gisan.

Badu aspaldi partaidetza bat badela liburutegiarekin. Ipuin kontalari boluntarioak heldu dira aste guziez haurrei ipuinak kontatzera. Langileek erregularki liburuak eta irakurketa euskarriak mailegatzen dituzte departamenduko liburutegian.

Soinubila eskola-musika ere heldu da haurtzaindegira. Musikari bat heldu da musika mementoen proposatzera haurren eta langileen atseginerako.

Profesional taldeak trukaketak antolatzen ditu herriko eskolekin. Horri esker haurrak ingurumen berriari usatzen dira: lekuei, pertsonei eta eskolako ingurumenari. Udaberrian iragaten dira trukaketa horiek, iraileko sartzea prestatzeko xedez.